0
Hlutir Magn Verð

Eigandi sport og veiðibúðanna Fjarðasports í Neskaupstað og Veiðiflugunnar á Reyðarfirði er Samvinnufélag útgerðarmanna Neskaupstað eða SÚN eins og það er gjarnan kallað.

Félagið er gamalgróið, stofnað 1932. Tilgangur félagsins var að kaupa inn og selja salt og útgerðarvörur til félagsmanna á hagstæðara verði en tíðkaðist auk þess að koma í verð þeim fiskafurðum sem framleiddar voru.

Félaginu óx fljótt fiskur um hrygg enda almenn þátttaka útgerðarmanna í stofnun þess. Starfsemin var fjölbreytt næstu áratugina, félagið reisti og rak m.a. frystihús, saltfisk og skreiðarverkun, tók þátt í útgerð og rak veiðarfæraverslun.
1957 stóð SÚN fyrir stofnun Síldarvinnslunnar hf. sem í dag er eitt stærsta útgerðar og fiskvinnslufyrirtæki landsins.
Á seinni árum hafa umsvif SÚN minnkað, enda er dótturfélagið Síldarvinnslan löngu búið að taka við af mömmu gömlu.
Verslun félagsins var löngum kölluð SÚN búðin en fékk nafnið Fjarðasport 2004.
Í september 2004 keypti SÚN rekstur og nafn Veiðiflugunnar á Reyðarfirði sem flutti vorið 2005 í nýtt húsnæði í Verslunarmiðstöðinni Molanum á Reyðarfirði og er gólfflötur verslunarinnar alls um 500m2.
 
Báðar verslanir SÚN eru glæsilegar með mikið úrval af sport, útivistar og veiðivörum eða flest sem nöfnum tjáir að nefna til veiða í lofti, láði og á legi.
Samvinnufélagið er með umboð fyrir Tryggingamiðstöðina hf. í Neskaupstað, rekur Olíusamlag útvegsmanna sem hefur umboð fyrir Olíuverzlun Íslands eða Olís.
 
 
Lykilmenn:
 
Guðmundur Rafnkell Gíslason framkvæmdastjóri SÚN gudmundur.gislason@fjardasport.is
 
Guðmundur E. Ingvason versl.stjóri Fjarðasports. fjardasport@fjardasport.is
 
Björgvin Þ .Pálsson versl.stjóri Veiðiflugunnar. veidiflugan@veidiflugan.is
 
Stjórnarformaður SÚN er Magnús Jóhannson.